Martın 29-da Almaniyadan Azərbaycana readmissiya olunan siyasi fəal Samir Aşurov saxlanılıb. Bu haqda sosial şəbəkədə məlumat yayan ailə üzvləri onun saxta ittihamla saxlanıldığını bildiriblər.
Daxili İşlər Nazirliyinin Mətbuat xidmətinin şöbəs rəisi Elşad Hacıyev “Qafqazinfo”nun sorğusuna cavab olaraq bildirib ki, Aşurov başqa birinə xəsarət yetirdiyinə görə saxlanılıb:
Aprelin 19-da saat 21 radələrində paytaxtın Nizami rayonu ərazisində aralarında yaranmış şəxsi münaqişə zəminində Şəki şəhər sakini Elşən Nəbiyevin qarın nahiyəsinə bıçaqla xəsarət yetirib. Faktla bağlı Nizami RPİ-də CM-nin 126-cı maddəsi ilə cinayət işi başlanıb, Samir Aşurov saxlanılaraq istintaqa təqdim edilib.
deyə bildirib
Nazirlik rəsmisi qeyd edib ki, hazırda istintaq prosesi davam etdirilir.
Samir Aşurov kimdir: 37 yaşlı siyasi fəal 2018-ci ilin sentyabrında Almaniyaya mühacirət edib, lakin ona sığınacaq verməkdən imtina edilib. O, 2022-ci il martın 29-da Azərbaycana qaytarılıb. Aprelin 1-də isə dindirilmək üçün Baş Prokurorluğa çağırılıb, “mühacir alveri” ilə bağlı şahid qismində sorğu-sual edilərək sərbəst buraxılıb.
