Rusiyanın müharibənin 2-ci fazasında Donbassa hücumda iştirak etmək üçün Suriya, Liviya və digər ölkələrdən 20 minə qədər muzdlu əsgər yerləşdirdiyi iddia olunur. Bu haqda “Guardian” nəşri Avropa rəsmisinə istinadən məlumat yayıb:
Sizə deyə bilərəm ki, biz bu ərazilərdən Suriya və Liviyadan Donbassın şərq bölgəsinə bəzi hərəkətlilik müşahidə etmişik. Bu insanlar Ukraynanın müqavimətinə qarşı hədəf kimi istifadə olunurlar. Onların nə ağır texnikası, nə də nəqliyyat vasitələri var.
deyib mənbə
Məqalədə qeyd edilib ki, muzdluların sayı 10 mindən 20 minə ədərdir və buraya suriyalılar, liviyalılar , həmçinin “Vaqner” özəl hərbi şirkətinin işə götürdüyü şəxslər daxildir.
Mənbənin iddiaları nədir:
- Suriyalı keçmiş əsgərlərə rütbə və təcrübədən asılı olaraq aylıq 600-3000 dollar arasında maaş təklif edilib.
- “Vaqner” Liviyada döyüşən əsgərlərinin əksəriyyətini Ukraynaya köçürüb.
- Kremlin müharibənin indiki mərhələsində 4 əsas məqsədi var.
Rusiyanın məqsədlərindən söz açan mənbə bildirib ki, Rusiya Donbası ələ keçirmək, Krıma quru dəhlizinin təmin etmək, Krıma şirin su təchizatını təmin etmək üçün Xerson bölgəsini ələ keçirmək və danışıqlarda sövdələşmə vasitəsi kimi istifadə oluna biləcək əlavə əraziləri zəbt etmək niyyətindədir.
