Bir neçə gün əvvəl Heydər Əliyev adına Neft Emalı Zavodunun 1000-ə yaxın işçisinin etiraz aksiyası keçirdiyi bildirilir. Bu barədə “Meydan TV”yə bildirən zavod əməkdaşı qeyd edib ki, aksiyaya səbəb əməkhaqqlarının gecikdirilməsidir:
Əmək müqaviləsində qeyd olunub ki, əməkhaqqları ayın 1-dən 15-ə qədər ödənilməlidir. Zavodda ümumilikdə 1300 nəfər işçi var və ayın 15-də onların bir hissəsinin maaşı ödənilib. Qalanları isə hələ də gözləyir.
-deyə bildirib
Şikayətçinin sözlərinə görə, zavodun 1000 nəfər işçisi ard-arda 2 gün etiraz aksiyası keçirib. O, həmçinin qeyd edib ki problemləri barədə SOCAR-ı da məlumatlandırıblar:
Zavoddakı aidiyyati şəxslər əvvəlcə dedilər ki, gecikmə olur. Sonra bildirdilər ki, bankda problem var. Min nəfərƏ mart ayının maaşını verməyiblər.
deyib
Şikayətçi maaşlarını və təzminat tələb etdiklərini vurğulayıb.
