Niderland Rusiya vətəndaşlarına qısamüddətli səfərlər üçün vizaların verilməsini dayandırmaq qərarına gəlib. “RİA Novosti”nin məlumatına görə, bu barədə ölkənin Rusiyadakı səfirliyi məlumat yayıb:
Rusiya hökuməti Niderland səfirliyinin konsulluq əməkdaşlarını “persona-non-qrata” elan etdikdən sonra belə bir qərar qəbul edilib. İstisna hal müvəqqəti yaşayış icazəsi və ya ikitərəfli razılaşma ilə nəzərdə tutulmuş üzrlü səbəblər, eyni zamanda humanitar səbəblərə görə müraciətlərə şamil olunacaq.
deyə bildirilib
Qeyd olunub ki, qərar aprelin 27-dən etibarən tətbiq olunacaq.
Rusiya-Niderland arasında gərginlik necə yaranıb: Martın 29-da Niderland 17 rusiyalı diplomatı ölkədən çıxarmaq barədə qərar verib. Buna cavab olaraq Rusiya 19 apreldə Niderlandın Moskvadakı səfirliyinin 14 əməkdaşını və Sankt-Peterburqdakı Baş Konsulluğun əməkdaşını “persona non-qrata” elan edərək onlara ölkəni tərk etmək üçün 14 gün vaxt verib.