Azərbaycanın Ukraynadakı səfirliyi Kiyev şəhərində fəaliyyətinə yenidən başlayıb. Bu barədə Azərbaycanın Xarici İşlər Nazirliyi məlumat yayıb. Bildirilib ki, səfirliyin konsulluq şöbəsi təhlükəsizlik şəraiti nəzərə alınmaqla 30 apreldən başlayaraq qrafik üzrə hər gün işləyəcək.
İş qrafiki necə olacaq:
- müraciətlərin qəbulu – 10:00-13:00;
- hazır sənədlərin verilməsi – 15:00-18:00.
Qeyd edilib ki, səfirliyin Lvov şəhərində yerləşən müvəqqəti ofisində mümkün konsulluq xidmətləri mayın 6-sına qədər davam edəcək. Bundan başqa, vurğulanıb ki, vəziyyətlə əlaqədar müvəqqəti olaraq Azərbaycanda verilmiş sənədlərin səfirlikdə yenilənməsi fiziki olaraq mümkün deyil.
