ADA Universitetində “Cənubi Qafqaz: İnkişaf və əməkdaşlıq” mövzusunda beynəlxalq konfransda çıxış edən prezident İlham Əliyev Qarabağda yaşayan ermənilərlə bağlı danışıb. Prezident bildirib ki, Qarabağdakı ermənilərdən müsbət ismarıclar gəlir:
Artıq Qarabağdakı ermənilərdən çox müsbət ismarıclar alırıq. Biz Qarabağda yaşayan erməniləri öz vətəndaşımız hesab edirik. Ümidvarıq ki, onlar da tezliklə Azərbaycan vətəndaşı olaraq bütün hüquq və azadlıqlara malik olacaqlarını, təhlükəsizliklərinin zəmanət altında olacağını dərk edəcəklər. Ermənistandan fərqli olaraq Azərbaycan çoxmillətli ölkədir.
deyib prezident
İlham Əliyev onu da vurğulayıb ki, Azərbaycanda yaşayan bütün etnik qruplar, o cümlədən etnik ermənilər sülh və ləyaqət içində yaşayırlar və onların heç bir problemi yoxdur.
