Azərbaycanla münasibətləri normallaşdırmaq üçün addımların atılması Ermənistanda etirazla qarşılanıb. Aprelin 25-də paytaxt küçələrinə çıxan minlərlə vətəndaş Dağlıq Qarabağla bağlı siyasətə görə baş nazir Nikol Paşinyanın istefasını tələb ediblər. Mayın 2-sindən etibarən isə etrazçıların sayı artıb və Yerevanda genişmiqyaslı aksiyalar start götürüb.
Aksiyalar nə vaxt başlayıb, nələr baş verib
25 aprel – Baş nazir Nikol Paşinyanın əliyehinə etirazlar başlayıb. Müxalifət onu və rəhbərlik etdiyi hökuməti Azərbaycanla bu ölkənin bütün Dağlıq Qarabağ ərazisi üzərində suverenliyini tanıyan saziş imzalamaq niyyətində olmaqda ittiham edir.
30 aprel – Daha əvvəllər Nikol Paşinyana sui-qəsddə və hakimiyyəti qəsb etməkdə şübhəli bilinərək saxlanılan Milli Təhlükəsizlik Xidmətinin eks-rəhbəri Artur Vanetsyan bütün müxalif qüvvələrin Paşinyanın istefası tələbi ətrafında birləşdiyini bəyan edib. Vanesyan söz verib ki, müxalifət hakimiyyətə gələrsə, Azərbaycana “birtərəfli güzəştlərin” qarşısını almaq üçün tədbirlər görüləcək, Rusiya ilə münasibətlər dərinləşəcək.
1 may – Ermənistan parlamentinin vitse-spikeri, “Daşnaksütyun” millətçi sosialist partiyasının üzvü İşxan Saqatelyan mayın 2-dən şəhərdə genişmiqyaslı vətəndaş itaətsizliyi aksiyalarına başlanacağını deyib. Tiqranaşen, Armavir və Aparandan olan asiya iştirakçıları İrəvana çataraq Fransa meydanına toplaşıblar.
2 may – Müxalifət tərəfdarları zibil qutuları və küçələrdəki skamyalardan barikadalar quraraq Yerevanın 4 əsas prospektini birləşdirən Fransa meydanı boyunca avtomobillərin hərəkətinə mane olublar. Həmin gün polis 244 nəfəri saxlayıb.
3 may – Qısa zamanda bütün etirazçılar Fransa meydanında toplaşıblar. Onlar meydanda çadırlar quraraq aksiyanı dayandırmaq fikrində olmadıqlarını bəyan ediblər.
4 may – Erməni KİV-ləri Parlament binası yaxınlığındakı parkda etirazçılara qarşı yüngül tüstülü bombalar quraşdırıldığını yazıblar. Aksiya iştirakçılarının bir hissəsi Xarici İşlər Nazirliyinin binasına doğru irəliləyib. Etirazçılardan biri binaya daxil olaraq orada Qondarma Dağlıq Qarabağ Respublikasının bayrağını asıb. Daha sonra polislər bayrağı çıxarıblar
5 may – “Nikol Aqbalyan” hərəkatının fəalları Arabkir rayonunda Vaqarşyan küçəsini bağlayıblar. Betonqarışdıran və digər maşınlar yolu kəsiblər. Tıxacda qalan sürücülər aksiyaya siqnal verərək dəstək olublar. Yalnız polislərlə uzun danışıqlardan sonra maşınlar yolu açıblar.
6 may – Minlərlə etirazçı “Qələbə” körpüsünün qarşısını kəsərək hərəkəti dayandırıb. Polis 48 nəfəri həbs edib. Saxlanılanlara “polisin qanuni tələblərinə tabe olmama” maddəsi ilə cinayət işi açılıb.
Artıq 10 günə yaxındır aksiyalar davam edir, etirazçılar Paşinyan istefa verənə qədər dayanmayacaqlarını qeyd edirlər.
