Rusiya diplomatlarının Avropa ölkələrindən çıxarılmasına cavab addımı atan rəsmi Moskva bu dəfə Fransa, İspaniya və İtaliya diplomatlarını ölkədən çıxarmaq qərarına gəlib. Bu haqda məlumatı Rusiya Xarici İşlər Nazirliyi yayıb. Qeyd edilib ki, adıçəkilən ölkələrin diplomatik nümayəndələri “persona-non-qrata” elan edilib.
Neçə diplomat çıxarılır:
- Fransa – 34;
- İspaniya – 27;
- İtaliya – 24.
Vurğulanıb ki, İspaniyanın diplomatik nümayəndələri 7, Fransa nümayəndələri isə 14 gün ərzində Rusiya ərazisini tərk etməlidirlər.
Rusiya ilə diplomatik əlaqələr necə dəyişib: Rusiyanın Ukraynaya hücumundan sonra ölkələr sanksiyaların tətbiq edib, rus diplomatları casusluq ittihamı ilə ölkədən çıxarmağa başlayıblar. Mart ayından bəri bir çox ölkədən ümumilikdə 400-ə yaxın rus diplomatı qovulub. Rusiya da analoji cavab addımı ataraq 200-ə yaxın diplomatı öz ərazisindən çıxarıb.
