İmişli Rayon İcra Hakimiyyətinin sabiq başçısı, hazırda həbsxanada olan Vilyam Hacıyevin üzərinə həbs qoyulmuş əmlaklarının tam siyahısı məlum olub. “Report”un məlumatına əsasən, üzərinə həbs qoyulan əmlakların əsas hissəsi Vilyam Hacıyevin həyat yoldaşının, bir qismi isə oğlunun adına rəsmiləşdirilib.
Siyahıdakı əmlaklar nələrdir:
- İbrahimova Cülyetta Paşa qızının adına rəsmiləşdirilmiş Bakı şəhəri, Nərimanov rayonu, Teymur Əliyev küçəsində yerləşən fərdi ev;
- İbrahimova Cülyetta Paşa qızının adına Bakı şəhəri, Nərimanov rayonu, Sabit Rəhman küçəsində mənzil;
- İbrahimova Cülyetta Paşa qızının adına Xırdalan şəhərində eyni məhəllədə yerləşən 4 mənzil;
- İbrahimova Cülyetta Paşa qızının adına Nardaran qəsəbəsi Nardaran-Ləhiş yolunun 300 metrliyində yerləşən ev;
- İbrahimova Cülyetta Paşa qızının adına “BMW X5” markalı, “90-CM-200” dövlət qeydiyyat nömrəli minik avtomobili;
- Hacıyev Məhəmməd Vilyam oğlunun adına “Land Rover” markalı, “90-KH-900” dövlət qeydiyyat nömrəli minik avtomobili;
- İbrahimova Cülyetta Paşa qızının təsisçisi olan “Xəzər-222” MMC-yə sənədləşdirilmiş “BMW 740-İ” markalı, “10-AZ-369” dövlət qeydiyyat nömrəli minik avtomobili;
- İbrahimova Cülyetta Paşa qızının təsisçisi olan “Xəzər-222” MMC-yə sənədləşdirilmiş “Bentley Continental GT” markalı, “10-PR-777” dövlət qeydiyyat nömrəli minik avtomobili.
Siyahadı qeyd edilən əmlakların ümumi dəyəri 5 milyon 344 min manatdır.
Vilyam Hacıyev niyə həbs edilib: 2020-ci ilin mayında məhkəmənin qərarı əsasında DTX icra başçısının xidməti və yaşadığı ünvanlarda əməliyyat keçirib və həbs edib. Ona külli miqdarda mənimsəmə və ya isriaf etmə, vəzifə səlahiyyətlərindən sui-istifadə, rüşvət alma (passiv rüşvətxorluq) və vəzifə saxtakarlığı maddələri ilə ittiham elan olunub. Hazırda sabiq icra başçısının cinayət işinə Bakı Ağır Cinayətlər Məhkəməsində baxılır.
