Dövlət Sərhəd Xidməti atışma nəticəsində erməni hərbçinin yaralanması ilə bağlı Ermənistanın yaydığı məlumatlara aydınlıq gətirib. Qurumun açıqlamasında qeyd edilib ki, Ermənistan hərbi qulluqçusunun yaralandığı ərazinin qarşısında dövlət sərhədinin müdafiəsi və mühafizəsini yerinə yetirən bölmələr həmin gün ərzində ümumiyyətlə atəş açmayıblar:
Bölmələrimiz tərəfindən həyata keçirilən müşahidələr nəticəsində Ermənistan Silahlı Qüvvələrinin bölməsinin dislokasiya yerində hərbçilərin içkili vəziyyətdə intizamsızlıq etmələri, saat 10:37 radələrində isə çadırın içərisində 1 ədəd, 8 dəqiqə sonra – saat 10:45-də isə daha 2 ədəd atəş səslərinin eşidilməsi, bir qədər sonra isə xərəkdə 1 nəfərin çadırdan çıxarılaraq təxliyə edilməsi qeydə alınıb.
bildirilib açıqlamada
DSX-nin məlumatında vurğulanıb ki, həyata keçirilmiş müşahidə, foto-video və digər materialların təhlili hadisənin Ermənistan hərbçilərinin öz aralarında baş verdiyini göstərir.
Ermənistan nə deyirdi: Mayın 28-də Ermənistan MN məlumat yayaraq Azərbaycan bölmələrinin erməni silahlı bölmələrinin mövqelərini atəşə tutması nəticəsində əsgər David Vardanyanın yaralandığı bildirmişdi. Daha sonra isə Vardanyanın öldüyü haqda məlumat yayıblar.
