ABŞ Ukraynaya 11-ci yardım paketi çərçivəsində öz istehsalı olan “HİMARS” yüksək mobil artilleriya raket sistemləri göndərəcək. Bunu “CNN” nəşrinə ABŞ administrasiyasının yüksək rütbəli rəsmiləri təqdiqləyiblər. Onların sözlərinə görə, “HİMARS” Ukraynaya təxminən 80 kilometr məsafəyə raket atmağa imkan verəcək sursatla təchiz ediləcək. Rəsmilər əlavə ediblər ki, ümumi dəyəri 700 milyon dollar qiymətləndirilən təhlükəsizlik yardım paketinə başqa sursatlar da daxildir.
Siyahıda olan silah-sursatlar:
- hava nəzarəti radarları;
- əlavə “Javelin” tank əleyhinə silahlar;
- zirehli silahlar;
- artilleriya mərmiləri;
- vertolyotlar;
- taktiki maşınlar;
- silah-sursat üçün ehtiyat hissələri.
Admnistrasiya nümayəndələri Ukraynadan Rusiya daxilində hücumlar üçün sistemlərdən istifadə etməyəcəklərinə dair zəmanət aldıqlarını vurğulayıblar.
“HİMARS”ın xüsusiyyəti nədir: HİMARS (High Mobility Artilleriy Rocket System) sistemi çoxfunksiyalı, çoxşaxəli raket sistemidir. O, həm idarə olunmayan, həm də idarə olunan döyüş sursatlarından, eləcə də taktiki raketlərdən istifadə etmək qabiliyyətinə malikdir.
ABŞ nə vaxt istifadə edib: ABŞ ordusu raket sistemindən Əfqanıstanda, 2015-ci ildə İraqda terrorçulara qarşı döyüşlərdə istifadə edib. Bundan başqa, 2016-cı ildə İordaniya ərazisində bu sistemdən istifadə edərək Suriyadakı İŞİD mövqelərinə hücum edib.
