Polşa hakimiyyəti iyulun 1-dən ukraynalı qaçqınlara müavinətlərin ödənilməsini dayandırmaq qərarına gəlib. “Rzeczpospolita” nəşrinin məlumatına görə, bunu Polşa daxili işlər nazirinin müavini Pavel Şefernaker deyib:
Biz əminik ki, Polşada bir çox insan müstəqil olmağa və uyğunlaşmağı bacarır.
deyib açıqlamasında
Nazir müavini əlavə edib ki, qərar əlillər, hamilə qadınlar və ya çoxuşaqlı ailələrə şamil edilməyəcək, onlar müavinət almağa davam edəcəklər.
Müavinət nə qədərdir: Ukraynada müharibə başyalandan bəri Polşaya keçən ukraynalılara yemək və yaşayış üçün gündə 40 zlota (9,5 dollar) yardım ödənilir. Hökumət Ukraynadan olan qaçqınlara yardım haqqında xüsusi aktda ilkin olaraq ilk 60 gün ərzində müavinətlərə zəmanət verib, apreldə isə bu müddəti daha 60 gün uzadıb.
Polşada nə qədər ukraynalı var: Polşa sərhəd mühafizə xidmətinin məlumatına görə, Ukraynadan 3,57 milyon ukraynalı köç edib. Ölkənin daxili işlər naziri Zbiqnev Raun bildirib ki, onların 2 milyonu Polşada qalmaq istəyir, qalanı hissəsi isə başqa Avropa ölkələrinə gediblər.
