Ermənistan ordusunun bölmələri iyunun 2-si axşam saatlarından iyunun 3-ü gecə saatlarınadək Kəlbəcər rayonunu atəşə tutub. Bu barədə Azərbaycan Müdafiə Nazirliyi məlumat yayıb:
Dövlət sərhədinin Basarkeçər rayonunun Yuxarı və Aşağı Şorca yaşayış məntəqələri istiqamətlərindən Azərbaycan ordusunun Kəlbəcər rayonunun Zəylik və Yellicə yaşayış məntəqələri istiqamətlərində yerləşən mövqeləri qumbaraatan və iri çaplı silahlardan istifadə etməklə növbəti dəfə atəşə tutulub.
deyə qeyd edilib
Nazirliyin məlumatında vurğulanıb ki, dərhal cavab tədbirləri görülüb, şəxsi heyət və texnika baxımından itki yoxdur.
Ermənistan MN nə deyir: Ermənistan tərəfi Azərbaycanın yaydığı məlumatı dezinformasiya adlandırıb. Bildirilib ki, sərhəddə vəziyyət nisbətən sabitdir və Ermənistan Silahlı Qüvvələrinin nəzarəti altındadır.
