İyunun 7-də Bakı Bakı Ağır Cinayətlər Məhkəməsində inanclı fəal, narkotik ittihamı ilə həbs edilən Fəqan Məmmədova hökm oxunub. O,məhkəmənin qərarına əsasən, 6 il azadlıqdan məhrum edilib. Ona qarşı irəli sürülən ittihamla razılaşmayan fəal narkotiklə heç bir əlaqəsi olmadığını, Aşura tədbirləri üçün Bakıdan Gəncəyə üstündə “Ya Hüseyn” yazılmış köynəklər apardığına görə şərləndiyini deyib:
Əslində, məni yox, İmam Hüseyn məktəbini şərləyib bu sistem. Bu, mənim şəxsimə deyil, eyni zamanda, İslama olan haqsızlıqdır.
deyə vurğulayıb
Fəal məhkəmədə nə deyib: O, 2021-ci il sentyabrın 2-də dostu Arif Orucov və Ümid Zalovla birlikdə saxlanıldığını deyib. Məmmədov əlavə edib ki, saxlanılan zaman saatlarla onu üzüstə uzadaraq kürəyini təpikləyiblər, hətta cərəyanla işgəncə veriblər.
İttiham olunduğu maddə nədir : 36 yaşlıF. Məmmədova qarşı Cinayət Məcəlləsinin 234.4.3 (satış məqsədilə külli miqdarda narkotik əldə etmə, saxlama, daşıma) maddəsilə ittiham irəli sürülüb. İttiham aktında iddia edilir ki, Baş Mütəşəkkil Cinayətkarlıqla Mübarizə İdarəsinin əməkdaşları onu saxlayıb üzərinə baxış keçirərkən 4 bükümdə 8 qram metamfetamin (“patı”) tapıblar.
