Norveç Ukraynaya ehtiyat hissələri, sursat və digər avadanlıqlar da daxil olmaqla 22 ədəd “M109 155 mm” özüyeriyən haubitsa hədiyyə edib. Bu barədə Norveç Müdafiə Nazirliyinin yaydığı məlumatda bildirilib:
Hökumət təhlükəsizlik baxımından hərbi yardımın ictimaiyyətə açıqlanmasını bir müddət gözləməli oldu. Gələcəkdə göndərilən yardımlar barədə məlumat və şərh verilməyəcək.
qeyd edilib məlumatda
Ölkənin müdafiə naziri Byorn Arild Qram Rusiyanın hücumlarına qarşı Ukraynanın hərbi texnika və silah baxımından Qərbin dəstəyindən asılı olduğunu qeyd edib:
Ukrayna bu növ silahlar üçün müraciət edib. Ukraynada müharibənin gedişatı onu göstərir ki, indi həm daha ağır texnikanı, həm də silah sistemlərini “qurban vermək” lazımdır.
deyə bildirib
Məlumatda vurğulanıb ki, norveçli mütəxəssislər Almaniyada Ukrayna hərbçilərinə sistemdən necə istifadə etmək barədə təlim keçiblər.
Haubitsa nədir: Özüyeriyən artilleriya qurğusu 1953-1960-cı illərdə uğursuz “M44″ü əvəz etmək üçün hazırlanıb. 1962-ci ildən 2003-cü ilə qədər dəfələrlə təkmilləşdirilib. Əsas istehsalçısı ABŞ olsa da, 1990-cı illərdə Cənubi Koreyada lisenziya əsasında istehsal edilib. İlk dəfə Vyetnam Müharibəsində, daha sonra isə ABŞ-ın iştirak etdiyi demək olar ki, bütün hərbi münaqişələrdə istifadə edilib.
405 at gücündə olan qurğunun maksimal sürəti 65 km/saatdır. Haubitsa vasitəsilə 1,8 metr dərinliyinə xəndəyi keçmək, 0,55 metr qalınlığında divarı dağıtmaq mümkündür.
Norveç Ukraynaya necə dəstək olub: Müharibə başlayandan Ukraynaya 4000 ədəd M72 tank əleyhinə silah yollanıb. Bundan başqa, digər hərbi ləvazimatlar da yola salınıb.
Göndərilən hərbi yardımlar:
- 100 ədəd daşına bilən “Mistral” hava hücumundan müdafiə sistem;
- 1500 gülləkeçirməz jilet;
- 5000 dəbilqə;
- 15000 quru yemək;
- 1000 filtrli qoruyucu maska;
- 2000 yataq kisəsi;
- 10000 yataq döşəyi və bəzi geyimlər.
