Avropa Parlamenti Gürcüstanda media azadlığının vəziyyətinin pisləşməsi ilə əlaqədar yeni qətnaməni qəbul edib. Sənəddə qeyd edilib ki, Avropa İttifaqı “Gürcü Arzusu” partiyasının qurucusu və keçmiş baş nazir Bidzina İvanişviliyə qarşı sanksiyalar tətbiq etməyi nəzərdən keçirməlidir. OC Media-nın məlumatına əsasən, qətnamənin lehinə 308, əleyhinə isə 218 nəfər səs verib. Qətnamə parlamentdə təmsil olunan5 siyasi qrup təqdim edib:
- Yaşıllar-Avropa Azad Alyansı;
- Avropa Mühafizəkarlar və İslahatçılar Alyansı;
- Avropa Xalq Partiyası;
- Avropanı Yeniləyin Alyansı;
- Sosialistlər və Demokratların Proqressiv Alyansı.
Hədəf olaraq göstərilən hakim “Gürcü Arzusu” partiyası Sosialistlər və Demokratların Proqressiv Alyansının üzvüdür.
Qətnamədə nələr qeyd edilib:
- Avropa Mühafizəkarlar və İslahatçılar Alyansı, Avropa Xalq Partiyası və Avropanı Yeniləyin Alyansı tərəfindən irəli sürülən qətnaməyə qəbul edilmiş düzəlişlər Aİ və digər demokratik ölkələri Gürcüstanın siyasətində, iqtisadiyyatında “dağıdıcı roluna” görə Bidzina İvanişvilini şəxsən sanksiya etməyi nəzərdən keçirməyə çağırılıb.
- Gürcüstan hökuməti müxalif kanal rəhbəri Nika Qvaramiyanın məhkumluğunu “nəzərdən keçirmək” və keçmiş prezident Mixail Saakaşvilinin xaricdə lazımi müalicə almasına imkan yaradılması, onun humanitar əsaslarla həbsdən azad etməyə çağırılıb.
- Qvaramiyanın hökmü qınanılıb və əlavə edilib ki, Gürcüstanın məhkəmə sisteminə davamlı inamsızlıq vurğulanıb.
- 5 iyul 2021-ci ildə fəallara və jurnalistlərə qarşı kütləvi zorakılıq və zorakılığın təşkilatçılarının həbs edilməməsi qeyd edilib.
- Təhlükəsizlik orqanları tərəfindən jurnalistlərin kütləvi şəkildə izlənilməsi və azərbaycanlı jurnalist Əfqan Muxtarlının Tbilisidə oğurlanması tənqid edilib.
- “Lelo” partiyasının təsisçisi Mamuka Xazaradze, müstəqil “Pirveli” və “Formula” kanallarının təsisçilərinə qarşı cinayət işlərindən bəhs edilib.
Qətnaməyə reaksiya necə olub: “Gürcü Arzusu” partiyasının sədri İrakli Kobaxidze tez bir zamanda qətnaməni pisləyərək onu dəyərsiz adlandırıb. O, Mixail Saakaşvili və Nika Qvaramiyanın həbsi ilə bağlı tənqidləri rədd edib. Bundan başqa, Kobaxidze iddia edib ki, qətnamənin “Avropa dəyərlərinə heç bir aidiyyatı yoxdur” və “uyğunsuz faktlar” və “yalanlar” var.
