Medianın İnkişafı Agentliyi ( MEDİA) jurnalistlər üçün müsabiqə elan edib. Bildirilib ki, müsabiqəyə müraciət qəbulu iyulun 1-də yekunlaşacaq.
Müsabiqə haqda nələr açıqlanıb: Qeyd edilib ki, əsas şərt son 3 ay ərzində dərc edilmiş və ya yayımlanmış materialı təqdim etməkdir. Müraciət elektron formada və ya sənəd halında MEDİA-ya təqdim edilməlidir. Yazılar üçün 5 jurnalist, süjetlər üçün isə 2 iki jurnalist və 2 operator qalib elan ediləcək.
Qaranlıq qalan məqamlar nədir: Qaliblərə veriləcək mükafatın məbləği qeyd edilməyib. Bundan başqa, bildirilib ki, qiymətləndirilmə 3 müstəqil ekspert tərəfindən aparılacaq. Lakin ekspertlərin də kimliyi açıqlanmayıb.
MEDİA-nın daha əvvəlki qeyrİ-şəffaf müsabiqəsi: Yanvar ayında saytlara və qəzetlərə dəstək layihəsi çərçivəsində pul ayrılan media orqanlarının siyahısını açıqlamışdı. Adlar məlum olsa da, müsabiqənin şərtlərini və qaliblərin hansı meyarlara əsasən seçildiyini bildirməyib. Bu müsabiqədə ümumilikdə, dövlət büdcəsindən 55 media orqanına 1 milyon 542 min AZN ayrılıb. Qaliblərə mmaliyyə yardımının 2022-ci il yanvarın 1-dən etibarən 6 aylıq dövrü əhatə edəcəyi bildirilib.
