İran məhkəməsi ABŞ-ın terror aktlarında ölən iranlı nüvə alimlərin ailələrinə 4 milyard 300 milyon dollar təzminat ödəməsi barədə hökm çıxarıb. İSNA agentliyinin məlumatına görə, məhkəmə ABŞ hakimiyyətini nüvə alimlərinə qarşı hücumların iştirakçısı hesab edir. İranın istintaq şöbəsi İsrailin günahlandırıldığı hücumlarda ABŞ-ın rolunu belə zah edib:
- ABŞ “sionist rejim”in terrorçu bir rejim kimi qurulması, gücləndirilməsi və dəstəklənməsində təsirli rol oynayıb;
- Hər il “sionist rejim”ə birbaşa maliyyə, iqtisadi, dəstək, hazırlıq və hərbi yardım kimi yüz milyonlarla dollar ayırır;
- ABŞ Konqresi bu rejimi dəstəkləyən bir neçə qanun qəbul edib;
- “Sionist rejim” ABŞ-ın bilavasitə və dolayısı ilə dəstəyi altındadır. ABŞ İran alimlərinə qarşı terror aktları həyata keçirmək daxil olmaqla, bütün hərəkətlərə cavabdehdir.
Qeyd edilib ki, tələb edilən 4,3 milyard dolların 2,15 milyardı dolları üzvlərinə vvurulan maddi və mənəvi ziyana görə olacaq.
Şikayətçilər və günahlandırılanlar kimlərdir: Söhbətin konkret olaraq hansı alimlərdən getdiyi açıqlanmasa da, iddianın 3 nüvə aliminin həyat yoldaşı tərəfindən qaldırıldığı bildirilib. Onlar iddianı ABŞ hökuməti, keçmiş prezidentlər Barak Obama, Donald Tramp, ABŞ Dövlət Departamenti, Pentaqon da daxil olmaqla 37 fiziki və hüquqi şəxsə qarşı qaldırıblar.
İran alimlərinin ölümü: 2020-ci ilin noyabrında nüvə alimi Möhsün Fəxrizadə Tehran vilayətinin Absərd şəhərində sui-qəsd nəticəsində həlak olub. 2022-ci ildə isə İranın ayrı-ayrı şəhərlərində iki həftə ərzində 3 nüvə mütəxəssisi – Kamran Mollapur, Eyyub İntizari və Ehsan Hadibeygi müəmmalı şəkildə ölüb.
