Bu gün səhər saatlarından etibarən Ukraynanın paytaxtı Kiyev şəhəri Rusiya Silahlı Qüvvələrinin raket zərbələrinə məruz qalıb. Paytaxtın Şevçenko rayonu ərazisindəki yaşayış binalarının bombalandığı barədə məlumatı ölkədəki fövqəladə vəziyyətlə bağlı yaradılan xüsusi qərargah yayıb.
Kiyev meri Vitali Kliçko ən az 2 nəfərin öldüyünü və çoxlu sayda insanın yaralandığını açıqlayıb. Dağıntılar arasından 7 yaşlı qız və onun anası çıxarılıb.
Atəş haradan açılıb: Ukrayna Silahlı Qüvvələrindən verilən məlumata görə Kiyev Xəzər dənizindən vurulub. Raket zərbələri Həştərxan vilayətindən havaya qalxıb. Bu raketlər X-101 adlanır. Raketlərin uçuş məsafəsi 5 500 kilometrdir.
Kiyevi nə gözləyir: Ukraynanın Prezident Ofisinin rəhbəri Aleksey Arestoviç rəsmi açıqlama ilə bildirib ki, bu gün Kiyev üçün çox çətin olacaq. Deyib ki, Rusiya tərəfi bütün gün ərzində Kiyevi bombalayacaq.
Böyük Yeddilik nə edir: Kiyevin bombalandığı dəqiqələrdə isə Almaniyanın Münhen şəhərində Böyük Yeddilik ölkələrinin sammiti keçirilir. ABŞ, Böyük Britaniya, Kanada və Yaponiya Rusiyadan qızıl alışını dayandırması barədə qərar qəbul edib.
- Sammitdə Ukraynanın prezidenti Vladimir Zelinski də iştirak edəcək.
