G7 ölkələri Rusiyanın sənaye resurslarına və müdafiə sahəsini dəstəkləyən texnologiyalara çıxışını daha da məhdudlaşdırmaq niyyətindədir. Bu barədə ABŞ prezidenti Co Baydenin administrasiyası məlumat yayıb. Sənəddə xüsusilə Vaşinqtonun Rusiyanın iri dövlət müəssisələrinə qarşı daha bloklayıcı sanksiyalar tətbiq edəcəyi vurğulanır.
Nəzərdə tutulan sanksiyalar:
- Rusiya hərbi istehsal və təchizat zəncirlərinə qarşı yeni tədbirlər görmək;
- Rusiyadan gələn 570 növdən çox, təxminən 2,3 milyard dollar dəyərində məhsulun rüsumlarının artırılması;
- Rusiyanın dünya ticarətində iştirakını məhdudlaşdırmaq, xüsusən də Rusiyanın qızıl satışından əldə etdiyi gəliri azaltmaq;
- Yüzlərlə rusiyalı şəxs və şirkətə qarşı sanksiyaları genişləndirmək.
Qeyd edilib ki, bu tədbirlər Rusiyanın ABŞ bazarında satışdan iqtisadi gəlir götürmək imkanını məhdudlaşdıracaq.
