Baş nazir Nikol Paşinyanın köməkçisi Anna Vardapetyan Ermənistanın baş prokuroru seçilib. O, ölkə tarixində bu posta seçilən ilk qadındır. “Sputnik Armenia”nın məlumatına görə, 36 yaşlı A.Vardapetyan parlamentdə yekdillikə – 70 səslə seçilib. Müxalifətdən olan deputatlar aprelin sonundan iclaslara getmədiyi üçün səsvermədə yalnız “Mülki müqavilə” fraksiyasının nümayəndələri iştirak ediblər.
Anna Vardapetyan kimdir: O, 1986-cı ildə İrəvanda anadan olub. 2002-2012-ci illər ərzində İrəvan Dövlət Universitetinin hüquq fakültəsinin bakalavr, magistr və aspiranturasını bitirib. Müxtəlif illərdə Kassasiya Məhkəməsi sədrinin müşaviri, Məhkəmə Sədrləri Şurasının katibi, ədliyyə nazirinin müşaviri, ədliyyə nazirinin müavini vəzifələrində çalışıb. 2020-ci ilin martından baş nazir Nikol Paşinyanın köməkçisidir.
