Sosial şəbəkələrdə Naxçıvanla Türkiyə arasında quru yolun bağlanması haqda məlumatlar yayılıb. Dövlət Sərhəd Xidməti APA-nın bununla bağlı sorğusuna cavabında xəbərə münasibət bildirib.
DSX nə deyib: Qurum Nazirlər Kabinetinin 20 iyunda çıxardığı 232 nömrəli qərarına uyğun olaraq fəaliyyət göstərdiyini bildirib.
Qərarda nə yazılıb: Nazirlər Kabinetinin 20 iyunda qəbul etdiyi qərara görə, xüsusi karantin rejiminin müddəti sentyabrın 1-nə qədər uzadılıb.
Beləliklə də, bu müddət ərzində yük daşımaları istisna olmaqla, ölkə ərazisinə yerüstü nəqliyyat ilə giriş-çıxış dayandırılması qüvvədə qalır.
Türkiyə tərəf nə deyir: İğdır valisi Hüseyn Engin Sarıibrahim məsələ ilə bağlı nazirliyi və səlahiyyətli qurumlara məlumat verdiklərini deyib. O, gömrükdə yoxlamalar aparıldığını, sərhəd protokolu hazırlanaraq və məsələnin araşdırılacağını bildirib.
