Bakı sakini metrostansiyalardan birinə balta ilə girərək LGBTQİ+ nümayəndələrinə qarşı təhdidlər səsləndirib. Həmin şəxsin “tik-tok” hesabında paylaşdığı görüntü sonradan digər sosial platformalarda yayılıb. O, əlində sellofana bükülü baltanı göstərərək video çəkib, şəhərdə LGBTQ+ nümayəndəsi görsə, başını kəsəcəyini deyib. Həmin şəxs videonu “tik-tok” hesabında paylaşıb, rəylərdə isə ona dəstək göstərilib.
Rəsmi reaksiya necə olub: Məsələ ilə bağlı mediaya Daxili İşlər Nazirliyinin mətbuat xidmətinin rəisi, polis polkovniki Ehsan Zahidov açıqlama verib. O, yayılan görüntüdən xəbərdar olduqlarını və araşdırmalara başlanıldığını deyib.
