Dövlət Sərhəd Xidmətinin sərhəddən narkotik vasitə keçirməyə çalışan 7 hərbçisi və 1 nəfər Bərdə rayon sakini həbs edilib. Baş Prokurorluğun yaydığı məlumatda qeyd edilir ki, həmin şəxslər iyulun 21-də 94 kq narkotik vasitəni sərhəddən keçirməyə çalışıblar.
DSX-nin hərbi qulluqçuları Tural Osmanov, Şəmil Abbasov, Habil Nəcəfov, Kamran Cəfərov, Nurlan Qasımov, Seymur Azadxanzadə, İlkin Qasımzadə və qeyriləri mülki şəxs Hikmət Xəlili, eyni zamanda digər şəxslərlə satış məqsədilə külli miqdarda narkotik vasitələrin, psixotrop və güclü təsir edən maddələrin İran Respublikasından qaçaqmalçılıq yolu ilə gizli keçirilməsi, satılması barədə qabaqcadan əlbir olublar.
deyə qeyd edilib
Bildirilib ki, İran ərazisində olan şəxslər narkotik maddələri Cəbrayıl rayonunun Mehdili kəndi ərazisindən keçirməklə gizlədiblər, hərbi qulluqçulardan 4 nəfəri həmin narkotik vasitələri gizlədilən yerdən götürərkən saxlanılıblar.
Məlumatda başqa nə deyilir: Saxlanılanlardan 94, 3 kq narkotik vasitələr (87, 7 kq marixuana, 7, 6 kq heroin, 1980 ədəd “metadon-40” həb), psixotrop maddə (400 qram metamfetamin) və güclü təsir edən maddə (12465 “preqobalin-150” həb ) götürülüb. 7 hərbi qulluqçu və Hikmət Xəlili barəsində Bakı Hərbi Məhkəməsinin qərarı ilə həbs qətimkan tədbiri seçilib.
Hansı maddələrlə ittiham olunurlar: Saxlanılanlar barədə qaçaqmalçılıq, narkotik vasitələrin və psixotrop maddələrin qanunsuz dövriyyəsi, külli miqdarda güclü təsir edən və ya zəhərli maddələrin satış məqsədilə qanunsuz dövriyyəsi və dövlət sərhədini qanunsuz olaraq keçmə maddələri ilə cinayət işi başlanıb.
