İmişli rayonun keçmiş icra başçısı, həbsdə olan Vilyam Hacıyevə hökm oxunub. “Report”un məlumatına görə, V. Hacıyev 12 il müddətinə azadlıqdan məhrum edilib. Hökm Bakı Ağır Cinayətlər Məhkəməsində keçirilən prosesdə elan olunub. Bundan başqa, sabiq icra başçısının 6 milyon 300 min manat dəyərində əmlak və pulu dövlət xeyrinə müsadirə olunub.
Vilyam Hacıyev niyə həbs edilib: Dövlət Təhlükəsizlik Xidməti 2020-ci ilin mayında məhkəmənin qərarı əsasında icra başçısının xidməti və yaşadığı ünvanlarda əməliyyat keçirərək onu həbs edib. İcra başçısı külli miqdarda mənimsəmə və ya isriaf etmə, vəzifə səlahiyyətlərindən sui-istifadə, rüşvət alma (passiv rüşvətxorluq) və vəzifə saxtakarlığı maddələri ilə ittiham olunub.
