Azərbaycan Xalq Cəbhəsi Partiyasının (AXCP) Almaniyadan deportasiya olunan üzvü Pünhan Kərimliyə hökm oxunub. Proses Bakı Ağır Cinayətlər Məhkəməsində baş tutub. Siyasi fəala 6 il müddətinə azadlıqdan məhrum etmə cəzası verilib.
P. Kərimli kimdir: 32 yaşlı fəal müxtəlif etiraz aksiyalarında iştirak edib, buna görə təqiblərə məruz qalıb. O, 2018-ci ilin oktyabrında mühacir kimi Almaniyaya gedib, 2021-ci il noyabrın 25-də isə deportasiya edilib.
Hansı səbəblə həbs edilib: P.Kərimli yanvarın 25-də paytaxtın “Nərimanov” metrostansiyası qarşısında saxlanılıb. O, narkotik alverində günahlandırılıb. Faəla qarşı CM-in 234.4.3 (satış məqsədilə külli miqdarda narkotik əldə etmə, daşıma, saxlama) maddəsilə ittiham irəli sürülüb.
