LGBT fəalı, jurnalist kimi fəaliyyət göstərən Əvəz Hafizlini qətlə yetirən şəxsə hökm oxunub. Bakı Ağır Cinayətlər məhkəməsində çıxarılan hökmə əsasən, Əmrulla Güləliyev 9 il 6 ay müddətinə azadlıqdan məhrum edilib.
Əvəz Hafizli kimdir: Əvəz Şıxməmmədov (Hafizli) jurnalist və LGBT fəalı kimi tanınırdı. O, cinsi kimliyinə görə dəfələrlə təhdidlər aldığı üçün etiraz aksiyaları keçirərək təqsirkarların cəzalandırılması tələb edib.
Qətlə ictimai reaksiya necə olub: Fəallar dəfələrlə məhkəmə qarşısında toplaşaraq jurnalistin qətlinin nifrət cinayəti olduğunu deyiblər. Onlar “Əvəzin qatili dövlətdir”, “Cinayət Məcəlləsini yenilə” yazılı plakatlar göstəriblər.
