18:15
Müdafiə Nazirliyinin yaydığı məlumata görə, yaralı olan və vəziyyəti ağır qiymətləndirilən əsgər Tahir Əliyev həlak olub. 2003-cü il təvəllüdlü müddətli həqiqi hərbi xidmət hərbi qulluqçusu əsgər Samir Xudiyev Bakının Sabunçu rayonu, Ramana qəsəbəsində Şəhidlər xiyabanında torpağa tapşırılacaq. 2002-ci il təvəllüdlü müddətli həqiqi hərbi xidmət hərbi qulluqçusu əsgər Tahir Əliyev isə Ağstafa Ağstafa rayonunun Yenigün kəndində dəfn olunacaq. Nazirliyin yaydığı rəsmi məlumata görə, onların hər ikisinə şəhid statusu veriləcək.
14:50
Laçın rayonunda Azərbaycan ordusunun iki hərbçisi həlak olub. Müdafiə Nazirliyinin “Report”a verdiyi məlumata görə, döyüş tapşırığını yerinə yetirən zaman sıldırım qayalıqlardan qopan qaya parçası müddətli həqiqi hərbi xidmət hərbi qulluqçuları əsgər Xudiyev Samir Səməd oğlu və əsgər Əliyev Tahir Çingiz oğlunun üzərinə düşüb:
Əsgər Samir Xudiyev aldığı bədən xəsarətlərindən hadisə yerində vəfat edib. Müxtəlif bədən xəsarətləri alan əsgər Tahir Əliyevin vəziyyəti isə ağır qiymətləndirilir.
açıqlamada bildirilir.
Bildirilib ki, faktla bağlı cinayət işi başlanılıb, araşdırma aparılır.
Qarabağda nə baş verir: Avqustun 3-də Azərbaycan Müdafiə Nazirliyi məlumat yayaraq Laçında əsgər Anar Kazımovun həlak olduğunu, atəşin Rusiya Sülhməramlılarının yerləşdiyi ərazidəki erməni silahlılarının açdığını deyib. Həmin gün Nazirlik növbəti açıqlamasında “Qisas” adlı antiterror əməliyyatı keçirdiyini, Qırxqız yüksəkliyi, həmçinin Kiçik Qafqaz dağ silsiləsinin Qarabağ silsiləsi boyu Sarıbaba və bir sıra digər əhəmiyyətli hakim yüksəkliklər nəzarətə götürdüyünü bildirib.
