Müdafiə Nazirliyi Azərbaycan ordusunun müddətli həqiqi hərbi xidmət hərbi qulluqçusunun həlak olması haqda məlumat yayıb. Bildirilib ki, əsgər Ağamirov Pünhan Səyavuş oğlu Tovuz rayonu ərazisində yerləşən hərbi hissədə qeyri-döyüş şəraitində aldığı güllə yarasından vəfat edib.
Daha sonra Baş Prokurorluq açıqlama yayaraq hadisənin qətl olduğunu bildirib:
Şəmkir Hərbi Prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb. İstintaqla cinayətin zərərçəkmişlə eyni hərbi hissədə xidmət edən əsgər Kazımov Amil Famil oğlu tərəfindən törədilməsinə əsaslı şübhələr müəyyən edilib.
deyilir açıqlamada
Məlumatda Amil Kazımovun şübhəli şəxs qismində tutularaq istintaqa cəlb olunduğu qeyd olunub.