Azərbaycan Müdafiə Nazirliyi sutka ərzində atəşkəsin 10 dəfə pozulması haqda məlumat yayıb. Açıqlamada atəşin 6-sının Ermənistan ərazisindən açıldığı bildirilib.
Ermənistan ordusu Basarkeçər, Qarakilsə və Gorus rayonları istiqamətlərində yerləşən mövqelərindən Azərbaycan ordusunun Kəlbəcər və Laçın rayonları istiqamətlərindəki mövqelərini atəşə tutub.
vurğulanıb
Məlumata nə deyilir: Digər 4 hadisə Rusiya sülhməramlılarının müvəqqəti yerləşdiyi ərazidən qeydə alınıb. Belə ki, Azərbaycan ordusunun Kəlbəcər, Goranboy və Füzuli rayonları istiqamətlərində yerləşən mövqeləri snayper tüfəngindən və müxtəlif çaplı atıcı silahlardan fasilələrlə atəşə tutulub.
Qarşı tərəf nə deyir: Tanınmamış Dağlıq Qarabağ Respublikasının Müdafiə Nazirliyi isə açıqlamasında Azərbaycan silahlı qüvvələrinin atəşkəsi pozduğunu bildirib. Qeyd edilib ki, Azərbaycan ordusu cəbhənin müxtəlif istiqamətlərini müxtəlif çaplı atıcı silahlardan atəşə tutub.
