Sabiq əmək və əhalinin sosial müdafiəsi naziri, hazırda ev dustaqlığına olan Səlim Müslümovun müsadirə olunan əmlaklarının tam siyahısı təqdim edilib. “Report”un məlumatına görə, siyahıda Bakının müxtəlif ərazilərində yerləşən daşınmaz əmlaklar var:
- Bakı şəhəri, Binəqədi rayonu, Ak. Ziya Bünyatov pr. ev 13 v, mənzil 38;
- Bakı şəhəri, Binəqədi rayonu, Ak. Ziya Bünyatov prospekti 7 a, mənzil 3
- Bakı şəhəri, Səbail rayonu, Azadlıq prospekti 5 ünvanda yerləşən qeyri-yaşayış sahəsi
- Bakı şəhəri, Yasamal rayonu, Mirzə İbrahimov küçəsi, 422 məhəllə, ev 53, mənzil 108
- Bakı şəhəri, Nərimanov rayonu, Oqtay Kərimov küçəsi, ev 69 və 71
- Bakı şəhəri, Nərimanov rayonu, Məmməd Araz küçəsi, ev 51
- Bakı şəhəri, Binəqədi rayonu, 6-ci mikrorayonun qərb hissəsində yerləşən 500 və 300 kv.metr torpaq sahələri
- Bakı şəhəri, Xətai rayonu, Rəsul Rza küçəsi, məhəllə 2942 ünvanda yerləşən 300 kv.m olan qeyri yaşayış sahəsi.
Nə vaxt həbs olunub: 2013-2018-ci illərdə nazir kimi çalışan Səlim Müslümov 2021-ci il fevralın 3-də Dövlət Təhlükəsizliyi Xidmətinin keçirdiyi əməliyyat əsasında saxlanılıb. O, nazirliyin ərazi şöbələrinin rəhbərlərinin hər birindən 10 mindən 30 min manatadək rüşvət almaqda şübhəli bilinib.
İttiham olunduğu maddələr nədir: S.Müslümova Cinayət Məcəlləsinin 308.2-ci (ağır nəticələrə səbəb olan vəzifə səlahiyyətlərindən sui-istifadə), 311.3.2-ci və 311.3.3-cü maddələri (təkrar külli miqdarda rüşvət alma) ilə ittiham irəli sürülüb.
Nə vaxt azadlığa buraxılıb: Keçmiş nazirin istintaq müddəti 1 il 5 ay çəkib. Saxlanıldıqdan sonra barəsində həbs qətimkan tədbiri seçilib, 1 il 3 ay həbsdə qaldıqdan sonra səhhətindəki problemlərə görə 2022-ci ilin mayında ev dustaqlığına buraxılıb.
