Amerika Birləşmiş Ştatları Belarus hakimiyyətinin 100 nümayəndəsinə viza məhdudiyyəti qoyduğunu elan edib. Bu haqda ABŞ-ın dövlət katibi Entoni Blinkenin bəyanatında bildirilib:
Bu gün biz 100 rejim məmuruna və onların qohumlarına Belarusda demokratik təsisatları sarsıtmaqda və ya zədələməkdə və ya demokratiyaya keçidə maneçilik törətməkdə iştirak etdiklərinə görə viza məhdudiyyəti tətbiq etmək üçün addımlar elan edirik.
qeyd olunub
Siyahıdakı şəxslərin adları açıqlanmasa da, onların hansı qurumlarda çalışdığı qeyd olunub və yüksək vəzifələrdə çalışdıqları vurğulanıb:
- Prezident Administrasiyası;
- Daxili İşlər Nazirliyi;
- Dövlət Təhlükəsizlik Komitəsi;
- Mərkəzi Seçki Komissiyası
- Baş Prokurorluq;
- İstintaq Komitəsinin Mərkəzi Aparatı;
- Nəqliyyat və Rabitə Nazirliyi;
- Mütəşəkkil Cinayətkarlıqla və Korrupsiyaya Qarşı Mübarizə Baş İdarəsi;
- “Belteleradio” Milli Dövlət Televiziya və Radio Şirkəti;
- İkinci Milli Televiziya Şirkəti;
- Hərbi Hava Qüvvələri;
- Hava Hücumundan Müdafiə Qoşunları.
ABŞ rəsmisi əlavə edib ki, sanksiya siyahısına həmçinin, parlament üzvləri, rayon hakimləri, təhlükəsizlik işçiləri, icra komitələrinin üzvləri və dövlət universitetlərinin rəhbərləri daxildir:
Bu şəxslər işgəncələrə cəlb olunublar, dinc nümayişçilərin zorakılıqla həbsində, jurnalistlərin, müxalifət üzvlərinin və fəalların evlərinə, ofislərinə basqınlarda, eyni zamanda, seçki saxtakarlığında və tələbələrin aksiyalarda iştirakına görə universitetdən qovulmasında iştirak ediblər.
bildirilib açıqlamada
Bəyanatda daha nə deylir: Blinken Minsk OMON-un komandanı Dmitri Balaba və Belarus daxili işlər nazirinin müavini Nikolay Karpenkovun ailə üzvlərinin ABŞ-a girişinə qadağa qoyulduğunu açıqlayıb. O, bu qərarı Balaba və Karpenkovun 2020-ci ildə keçirilmiş prezident seçkilərindən sonra baş verən repressiyalarda rol oynamaları ilə əsaslandırıb.
Seçkilərdən sonra nə baş verib: 2020-ci il avqustun 9-da Belarusda prezident seçkiləri keçirilib və rəsmi nəticələrə görə, qalib hazırkı prezident Aleksandr Lukaşenko olub. Seçkilərin nəticələri ABŞ, Böyük Britaniya, Avropa İttifaqı və bir sıra ölkələr tərəfindən tanınmayıb. Seçkilər bitdikdən sonra Belarusda kütləvi etiraz aksiyaları başlayıb, hüquq-mühafizə orqanları əməkdaşları ilə dinc əhali arasında toqquşmalar yaşanıb.
ABŞ Belarusa nə sanksiyalar tətbiq edib: Birləşmiş Ştatlar 2021-ci ilin yayında Belarus prezident Aleksand Lukaşenkonun mətbuat katibi Natalya Eysmont və Respublika Şurasının sədri Natalya Koçanova da daxil olmaqla 16 Belarus vətəndaşına sanksiya tətbiq edib. Bundan başqa, 2022-ci il fevralın əvvəlində Belarusun bir neçə vətəndaşı xaricdəki müxaliflərə qarşı yönələn fəaliyyətləri ilə əlaqədar sanksiyalara məruz qalıb. Ümumilikdə, 2020-ci ildən bəri ABŞ 297 nəfərə qarşı viza sanksiyaları tətbiq edib.
