Ukrayna prezidenti Vladimir Zelenski Qərb ölkələrinə səslənərək Rusiya vətəndaşlarının öz ərazilərinə girişini qadağan etməyə çağırıb. O, bu haqda “The Washington Post” nəşrinə müsahibəsində deyib. Onun fikrincə, Rusiyaya qarşı tətbiq edilən bütün sanksiyalar Rusiya vətəndaşları üçün bir il müddətinə sərhədlərin bağlanması və Rusiyanın enerji resurslarının alınmasına tam embarqo qoyulması ilə müqayisədə zəifdir:
Ən mühüm sanksiyalar sərhədlərin bağlanmasıdır. Çünki ruslar yad torpaqları ələ keçirirlər. Ruslar fəlsəfələrini dəyişənə qədər öz dünyalarında yaşamalıdırlar.
deyib
Zelenski hesab edir ki, Rusiyanın “bütün əhalisini məsuliyyətə cəlb etmək” mümkündür və bu, Vladimir Putinə təsir etməyin yeganə yoludur:
Hansı ruslardan söhbət getməyinin fərqi yoxdur, onları Rusiyaya qaytarın. O zaman başa düşəcəklər və bizim bu müharibə ilə heç bir əlaqəmiz yoxdur deyəcəklər. Bütün xalq məsuliyyət daşıya bilməz, elə deyilmi? Lakin bu hökuməti onlar seçib və onunla mübarizə aparmır.
bildirib
Rusiyaya hansı qadağalar qoyulub: Rusiyanın Ukraynaya hücumundan sonra Avropa İttifaqı fevralın 26-dan Rusiya ilə sadələşdirilmiş viza rejimini dayandırıb. Bir sıra Avropa ölkələrinin səfirlikləri və viza mərkəzləri ruslar üçün qısamüddətli Şengen vizalarının verilməsini məhdudlaşdırıb.
