Latviya Seymi qəbul etdiyi qərarla Rusiya Federasiyasının Ukraynada və digər ölkələrdə dinc əhaliyə qarşı zorakı hərəkətlərini terrorizm, özünü isə terrorizmi dəstəkləyən ölkə kimi rəsmən tanıyıb. Bəyanat Seymin rəsmi saytında yayımlanıb. Protokola əsasən, Seymin 67 deputatı qərarın lehinə səs verib.
Parlamentin Xarici Əlaqələr Komitəsinin sədri Rihards Kols bildirib ki, Rusiya dəfələrlə birbaşa və ya dolayı yolla terrorçu rejimlərə dəstək verib, xüsusən də Suriya hakimiyyətini silahla təmin edib:
Rusiya 2014-cü ildə “Boeing MH17” nin qəzasına görə, eləcə də 2018-ci ildə Britaniyada Skripal ailəsinin zəhərlənməsi kimi hadisələrdə birbaşa və ya dolayı yolla terrorçu rejimləri və təşkilatları dəstəkləyərək maliyyələşdirib. Hazırda isə Rusiya Ukraynada beynəlxalq səviyyədə qadağan olunmuş silah və sursatlardan istifadə edərək, mülki əhalini və ictimai obyektləri hədəf alır.
deyə bildirib
Parlamentin bəyanatında vurğulanıb ki, 2014-cü ildən Rusiya Ukraynanın Donetsk və Luqansk vilayətlərində, eləcə də işğal olunmuş Krımda separatizmə, dinc əhaliyə qarşı zorakılığa hərbi, maliyyə və siyasi dəstək verib.
Bəyanatda daha nə deyilir: Avropa ölkələrinə təcili olaraq Rusiyaya qarşı hərtərəfli sanksiyaları gücləndirmək təklif olunub. Həmçinin qeyd olunub ki, Avropa İttifaqına üzv ölkələr Rusiya ilə turizmi dərhal dayandırmalı, Rusiya, həmçinin Ukraynada müharibəni dəstəkləyən Belarusun vətəndaşlarına viza verilməsini məhdudlaşdırmalıdır.
Latviyanın Rusiyaya qarşı atdığı addımlar: Maydan etibarən Rusiya və Latviya arasında Latviyada yaşayan rus hərbi pensiyaçılarının, onların ailə üzvlərinin sosial müdafiəsi haqqında saziş dayandırılıb. Avqustun 1-dən isə Rusiya ilə olan iqtisadi əməkdaşlıq sazişinə xitam verilib.