Şərur rayon sakini Kazım Qurbanov Naxçıvan Muxtar Respublikasnın Ali Məclisinin sədri Vasif Talıbova şikayət teleqramı göndərdikdən dərhal sonra polis bölməsinə çağırılıb. Bu barədə məlumatı “Gündəlik Naxçıvan” yayıb.
Şikayət nə olub: Kazım Qurbanov əmlakının qanunsuz sökülməsindən şikayət edib. Düdəngə kəndindən olan şikayətçi əmlakının sökülməsi ilə bağlı bir müddət öncə də “Gündəlik Naxçıvan”a müraciət edib. 30 il əvvəl tikilmiş, qanuni sənədləşdirilmiş evinin divarı və hasarının bir hissəsi məhkəmə qərarı olmadan sökülüb.
Bölmədə nə deyiblər: Şikayətçi deyir ki, ona rəsmi çağırış göndərmədən bölməyə çağırıblar. Şərur rayon Polis Şöbəsində onu rəis və prokurorluq işçiləri bir saata yaxın dindiriblər. Ali Məclisə niyə teleqram vurduğunu soruşublar. Deyiblər ki, problemi içtimailəşdirmək, mətbuata açıqlama vermək nə onun üçün, nə də Naxçıvan üçün yaxşı olar.
- Şikayətçi deyir ki, haqqını Naxçıvanda bərpa edə bilməsə, Bakıda Prezident Administrasiyasının qarşısında etiraz aksiyası keçirəcək.
