Qafqaz Tədqiqat Resurs Mərkəzinin (QTRM) son araşdırmaları göstərir ki, Gürcüstanda narkotikdən istifadə hələ də ciddi şəkildə damğalanır və bir çox gürcü öz qonşusunun cinayətkar olmasını narkotik istifadəçisi olmağından üstün tutur.
QTRM-nin məlumatlarından görünür ki, təkcə 2020-ci ildə Gürcüstanda narkotik istifadəçiləri fevral və avqust ayları ərzində gizli internet şəbəkələri vasitəsilə narkotiklərə ən azı 1,5 milyon dollar xərcləyib.
Mərkəzin apardığı Qafqaz Barometri sorğusunun nəticələri göstərir ki, Gürcüstanda narkotik istifadəçiləri mənfi qarşılanır və bu da həm narkotikin vurduğu ziyanının azaldılması, həm də istifadəsinin qarşısının alınmasına mane olur.
Son illərin sorğu nəticələri həm də onu göstərir ki, gürcülər qonşuluğunda cinayətkarın olmağına daha çox üstünlük verir, nəinki narkotik istifadəçisi. Əsasən 55 yaşdan yuxarı insanlar narkotik istifadəçilərini arzuolunmaz qonşu hesab edir. 18-34 yaş arası sorğu iştirakçılarında isə bu göstərici daha aşağıdır.
Ölkə əhalisinin məskunlaşma yerinin də onların narkotik istifadəçilərinə münasibətinə təsiri var. Belə ki, Tbilisi sakinləri üçün narkotik istifadəçilərini arzuolunmaz qonşu siyahısından çıxarmaq ehtimalı daha çoxdur, nəinki şəhərkənarında yaşayanların.
Bu yazı OC Media ilə əməkdaşlığın tərkib hissəsidir. Mətnin orijinalını ingilis dilində buradan oxuya bilərsiz.
