Ötən gün səhər saat 11.30 radələrində Gürcüstanın qərbindəki Kutaisi şəhərində yerləşən “Gürcüstan Bankı”nın filialına silahlı hücum edilib. Silahlı bankda olan insanları 8 saat girov saxlayıb. Oc Medianın verdiyi məlumata əsasən, ölkənin Daxili İşlər Nazirliyi 37 yaşlı soyğunçunun həbs edildiyini, girov saxlanılan 14 nəfərin xəsarət almadan sərbəst buraxıldığını açıqlayıb.
Silahlı şəxs haqda nə məlumdur: Bankdakı girovlardan biri silahlı basqının ilk anlardan etibarən müəyyən fasilələrlə canlı yayımda edib. Bu videolardan birində maskalı, hərbi geyimli soyğunçunun sinəsində partlayıcı qurğu, həmçinin qolunda bıçaq və qumbara olduğu görünüb.
Tələbi nə olub: Silahlı şəxs girovların azad edilməsi müqabilində 2 milyon dollar, “Mercedes Sprinter” markalı avtomobil, vertolyot, Rusiya bayrağı və qarmaq tələb edib. Girov tərəfindən “facebook”da yayımlanan videoda danışıqlar aparan polis əməkdaşının tələbləri eşidəndə təəccübləndiyi görünüb:
deyib
Mən zarafat etmirəm, xanım. İndi niyə zarafat edim ki?
Daha sonra soyğunçu tələblərini dəyişərək 1,5 milyon dollar istəyib və 2 girovdan başqa hamını azad etmək niyyətində olduğunu bildirib.
8 saatda nələr yaşanıb: Yayılan çoxsaylı videolardan məlum olub ki, polis silahlı şəxsi bankdakı qadınları azad etməyə razı salmağa çalışsa da, buna nail ola bilməyib. Bundan başqa, telefonla birbaşa danışıq aparmaqdan imtina edən soyğunçu əsəbiləşərək qəfildən telefonu girovun əlindən alaraq danışıqlar aparmaq istəyən şəxsi söyüb.
Növbəti videolardan birində onun bankın qapılarına partlayıcı yerləşdirdiyini deməsi eşidilib:
Bombalar lazerlərə bərkidilib və qapı açılan kimi partlayacaqlar.
bildirib
Rəsmilər nə deyir: Daxili İşlər nazirinin müavini Aleksandr Daraxvelidze qeyd edib ki, cinayəti törədən şəxs “yaxşı silahlanmış” olub, qumbaranı işə salmaq istəyərkən onun qarşısını alan polis əməkdaşlarına müqavimət göstərib. Daxili İşlər Nazirliyi hücumu “terror hücumu, terror məqsədləri üçün girov götürmə, habelə qanunsuz silah-sursat əldə etmə, saxlama və daşıma” kimi qiymətləndirdiyini bildirib.
Bu yazı OC Media ilə əməkdaşlığın tərkib hissəsidir. Mətnin orijinalını ingilis dilində buradan oxuya bilərsiz.
