Rusiyada bir neçə gün əvvəl elan olunan qismən səfərbərlikdən yayınmaq istəyən ölkə vətəndaşların əksəriyyəti qonşu Qazaxıstana üz tutub. Ölkəni tərk edən minlərlə Rusiya vətəndaşı Qazaxıstanda kinoteatrda gecələmək məcburiyyətində qalıb.
Qazaxıstana nə qədər adam gəlib: Rəsmi açıqlamaya görə, 20-23 sentyabr tarixlərində Rusiyadan Qazaxıstana 9 minə yaxın adam keçib. Ölkədən çıxa bilmək üçün onlar uzun növbələrdə dayanır və sərhədi keçəndən sonra isə qalmaq üçün ev tapa bilmirlər.
Qazaxıstanda da ev tapa bilməyən Rusiya vətəndaşları üçün yerli kinoteatrlar şəbəkəsi – “CinemaPark” öz zallarından birini onlara verib. Kinoteatrın rəhbəri yerli mediaya açıqlamasında deyib ki, o insanlar kifayət qədər pis vəziyyətdə olub.
Gecə saatlarında insanlar gəlməyə başladı. Onlar deyirdilər ki, səhərdən gəzirlər və yatmağa yer tapmırlar. Bizə təşəkkür etdilər. Biz bir zalı onlar üçün ayırdıq. Çay və isti yeməklə təmin etdik. Beləcə 200 nəfəri yerləşdirdik.
Nə baş verib: Rusiyada sentyabrın 21-i səhər saatlarında prezident Vladimir Putin xalqa müraciəti zamanı qismən səfərbərlik elan edildiyini açıqlayıb. Bundan sonra minlərlə vətəndaş səfərbərlikdən yayınmaq üçün ölkəni tərk etməyə başlayıb. Bu məqsədlə ölkəni tərk edən Rusiya vətəndaşlarının üz tutduğu ölkələr sırasında Azərbaycan da var.
