İsveçdə yaşayan çeçen müxalif bloqer Tumso Abdurəhmanovun öldürüldüyü haqda məlumatlar yayılıb. İsveç polisi OC Mediaya yayılan xəbərləri eşitdiyini desə də, şərh etməkdən imtina edib.
Nə məlumdur: Abduraxmanovun qətli ilə bağlı xəbərlər keçən həftənin sonunda yayılmağa başlayıb və Çeçenistanın “Vayfond” hüquq müdafiə təşkilatı həm Abdurəhmanov, həm də qardaşı ilə əlaqə qura bilmədiklərini deyib. Abdurəhmanov noyabrın 30-dan bəri “Telegram” kanalında heç paylaşmayıb.
Müxalifətə yaxın olan “1 ADAT” teleqram kanalı Çeçenistan və Avropadakı mənbələri vasitəsilə Abdurəhmanovun güllələndiyini təsdiqləyiblər. Kanal onu da qeyd edib ki, Tumsonun qardaşı Məhəmməd Abdurəhmanov saxlanılıb. Bazar ertəsi Çeçenistan İçkeriya Respublikasının keçmiş nümayəndəsi və T.Abdurahmanovun şəriki Anzor Masxadov da onun öldürüldüyünü bildirib.
Tumso Abdurəhmanov kimdir: O, Çeçenistandakı Rusiya hakimiyyətini, o cümlədən Çeçenistanın rəhbəri Ramzan Kadırovu açıq şəkildə tənqid edirdi. Tumso 2015-ci ildə Rusiyadan qaçıb Avropada yaşamağa başlasa da, təhdidlərlə almağa davam edib. Belə ki, 2019-cu ilin martında Çeçenistan parlamentinin spikeri Maqomed Daudov Abdurəhmanova qarşı qan davası olduğunu elan edib. 2020-ci ilin fevralında isə naməlum şəxs onun İsveçdəki evinə girərək çəkiclə öldürməyə cəhd göstərib.
Bu yazı OC Media ilə əməkdaşlığın tərkib hissəsidir. Mətnin orijinalını ingilis dilində buradan oxuya bilərsiniz.
