İctimai fəal Bəxtiyar Hacıyev barəsində həbs qətimkan tədbiri seçilib. Bu barədə onun vəkili Aqil Layıc məlumat yayıb. Onun sözlərinə görə, Xətai Rayon Məhkəməsi ictimai fəal barəsində 1 ay 20 gün müddətinə həbs qətimkan tədbiri seçib.
Vəkil nə deyir: Aqil Layıc bildirib ki, həbsin motivi yoxdur:
Cinayət işinə xitam verilib, Bəxtiyar Hacıyevin apellyasiya şikayətinə əsasən onun xeyrinə qərar çıxarılıb. Bu dəfə isə hər şey onun əleyhinə oldu. İstintaq qrupu yaradılıb və hər şey 1 gün ərzində hazır oldu.
deyib
Vəkil vurğulayıb ki, Bəxtiyar Hacıyev siyasi fəaliyyətinə görə həbs olunduğunu bildirir.
Həbs səbəbi nədir: Bir müddətdir Bəxtiyar Hacıyevlə jurnalist Ülviyyə Alovlu arasında məhkəmə prosesi davam edirdi. Jurnalistin iddiasına görə, ictimai fəal məhkəmədə ona xəsarət yetirib. Bəxtiyar Hacıyev isə bunu rədd edirdi.
Dekbarın 9-da isə B.Hacıyev Xətai Rayon Məhkəməsinə aparılıb. O, Cinayət Məcəlləsinin 221.3-cü (xuliqanlıq) və 289-cu (məhkəməyə hörmətsizlik etmə) maddələri ilə ittiham olunur.
