Azərbaycanla Ermənistan arasında 7 fevralda atəşkəsin pozulduğu barədə məlumat yayılıb. Məlumat Rusiya Müdafiə Nazirliyinin Dağlıq Qarabağla bağlı gündəlik xəbər bülletenində yer alıb.
Ərazidə yerləşdirilən Rusiya sülhməramlılarının qeydə aldığı insidentdə heç kimin xəsarət almadığı bildirilir. Rusiya Müdafiə Nazirliyinin yaydığı məlumatda qeyd olunub ki, atəşkəs pozulması ilə bağlı araşdırma aparılacaq.
Atəşkəsi kim, harada pozub: Rusiya sülhməramlıları insidenti Ağdərədə qeydə alıb. Lakin məlumatda hansı tərəfin birinci atəş açması barədə informasiya yoxdur.
Azərbaycan və Ermənistan Müdafiə Nazirlikləri isə atəşkəs pozuntusu ilə bağlı hələ ki, hər hansı məlumat yaymayıb.
