Gürcüstanın paytaxtında keçirilən kütləvi etiraz aksiyalarından sonra hökumət “xarici agentlər” haqqında qanunu ləğv edəcəyinə açıqlayıb. OC Medianın məlumatına görə, qanun layihəsini qeyd-şərtsiz rədd edəcəyini bildirən hakim “Gürcü Arzusu” partiyası layihəni parlamentə təqdim edən “Xalqın Gücü” hərəkatı ilə birgə bəyanat yayıb.
Bəyanatda nə deyilir: Birgə yayılan açıqlamada qeyd olunub ki, layihənin niyə qəbul olunduğu xalqa izah olunacaq:
Emosional fon sakitləşdikcə, qanun layihəsinin nə üçün qəbul edildiyini və ölkəmizdə xarici təsirin şəffaflığının təmin edilməsinin niyə vacib olduğunu ictimaiyyətə izah edəcəyik. Biz bunun üçün insanlarla görüşlərə başlayacağıq, işin hər bir detalı ilə bağlı həqiqəti geniş ictimaiyyətə çatdıracağıq.
bildirilib
Açıqlamada o da qeyd olunub ki, qanun layihəsinə saxta “Rusiya qanunları” damğası vurulub” və “radikal qüvvələr” gənclərin bir hissəsini qanunsuz fəaliyyətə cəlb edə bilib.
Nə gözlənilir: Birinci oxunuşda qəbul edilmiş qanun layihəsinin ilkin variantını geri götürmək üçün parlamentdə yenidən səs vermə olmalıdır. Layihənin ikinci variantı hələ parlamentdə səsvermədən keçməyib və müəlliflər tərəfindən geri götürülə bilər.
“Gürcü Arzusu” fraksiyasının sədri Mamuka Mdinaradze parlamentin növbəti iclasında qanun layihəsinin ikinci oxunuşuna baxılacağını və rədd ediləcəyini bildirib. O, daha sonra əlavə edib ki, əgər növbət iclasda birinci qanun layihəsi rədd edilsə, o zaman hələ qəbul olunmayan ikinci layihə geri götürülmüş olacaq.
Layihənin ləğvinə reaksiya necədir: Hakim partiyanın qanun layihələrini geri götürəcəyi ilə bağlı açıqlamanı müxalif siyasətçilər müsbət qarşılayıblar. Gürcüstanın ən böyük müxalifət partiyası olan Vahid Milli Hərəkatın (VHM) liderlərindən olan Xatiya Dekanoidze “Facebook” hesabında “Uşaqlarımız bunu etdi!”– yazıb.
Respublikaçılar Partiyasının sədri Xatuna Samnidze IPN-yə deyib ki, bu, mübarizənin mənası olduğuna inanan insanların əldə etdiyi nəticədir:
Biz etirazçıların hər birinə və hər dəfə “Gürcü Arzusu”na bizi Avropa ailəsində gözlədiklərini xatırlatmaqdan yorulmayan beynəlxalq ərəfdaşlarımıza təşəkkür etməliyik.
deyib
Keçmiş baş nazir və müxalifətdə olan “Gürcüstan Naminə” partiyasının lideri Giorgi Qaxaria etirazlara görə “GenZ” və “Millenniallar”a təşəkkür edib:
Minnətdarlıqla başlayaq! Təşəkkürlər, gənclər! Gürcüstanın Avropa gələcəyi üçün mübarizə aparanların hamısına təşəkkürlər! Gürcüstan xalqının Avropa seçiminə, ABŞ-a, sarsılmaz dəstəyə görə bütün xarici dostlarımıza, Avropa İttifaqına təşəkkür edirik! Bu, son qələbə deyil. Bu, qələbənin başlanğıcıdır”, – deyə o bildirib. “Gürcüstan Avropadır – Avropa Birliyinə namizəd statusu almaq lazımdır. Güc ancaq birlikdədir!”
“facebook”da yazıb
Tbilisidə nə baş verib: “Xarici agentlər” haqqından qanun layihəsinin qəbuluna etiraz edən on minlərlə insan çərşənbə günü parlament binasının qarşısında toplaşıb. Polislər etirazçılara qarşı gözyaşardıcı qaz və su şırnaqlarından istifadə ediblər. Bəzi etirazçılar buna cavab olaraq polisə daş və molotov kokteyli atıblar, təhlükəsizlik xidmətlərinə aid olduğu güman edilən bir neçə avtomobili aşırdıblar.Gürcüstan Daxili İşlər Nazirliyinin məlumatına görə, 7-8 mart etirazları zamanı 133 nəfər saxlanılıb. Vətəndaş cəmiyyəti təşkilatları və müxalifət liderləri onları azad etməyə çağırıblar.
Bununla yanaşı, aksiyalar zamanı bir neçə jurnalist yaralanıb, “Publika” və “Netgazeti” nəşrinin jurnalistləri polis tərəfindən döyüldüklərini bildiriblər. “Netgazeti”nin əməkdaşı Buba Qvadzabiya şiddətə məruz qaldığını deyib:
Məni xüsusi təyinatlılar təpiklədilər. Biz “Biz mətbuatıq!” deyə qışqırdıq və əlimdə press-kart tutmuşdum. Bu gün ilk dəfə əmin oldum ki, jurnalist fəaliyyətini təsdiq edən sənədi göstərmək Daxili İşlər Nazirliyinin əməkdaşı üçün təhlükəsizlik təminatı deyil.
bildirib
Etirazçıların açıqlaması necədir: Aksiyanın təşkilatçıları bəyanat yayaraq “çox parlaq və çox cəsarətli gəncələrin” geri qayıtdığı bildiriblər. Onlar insanları bu gün saat 19:00-da Rustaveli prospektinə toplaşmağa çağırıblar. Prospektə çıxan insanlar “xarici agent haqqında” olan hər iki qanun layihəsinin səsə qoyularaq geri götürülməsini və həbs olunan etirazçıların azad edilməsini tələb ediblər.
Bu yazı OC Media ilə əməkdaşlığın tərkib hissəsidir. Mətnin orijinalını ingilis dilində buradan oxuya bilərsiniz.
