Gürcüstan parlamenti parlamentin daxilində etiraz aksiyalarının keçirilməsini qadağan edən tənzimləmələr tətbiq edə bilər.
Bu tənzimləmələr çərçivəsində parlamentə daxil olmaq üçün geyim qaydalarının da tətbiqi nəzərdə tutulur.
18 sentyabrdan etibarən parlament administrasiyası icazə vermədiyi təqdirdə, bütün ziyarətçilərə meqafonlar, mikrofonlar, afişalar, plakatlar, bannerlər və ya “nümayiş üçün istifadə edilə biləcək əşyalar” gətirmək qadağan ediləcək.
Yeni reqlament hansı qadağalara “imkan yaradacaq”?
- Ziyarətçilərin gəliş məqsədi əvvəlcədən parlamentə bildiriləcək
- Parlamentin mətbuat xidmətinin icazəsi olmadan mətbuat üçün brifinq zalında mediaya müsahibə vermək qadağan edəcək
- Ziyarətçilərdən “uyğun geyim” tələb ediləcək
- “Parlamentdə iş və tədbirlərə mane olacaq hər hansı fəaliyyət” qadağan oluncaq
- Qaydaları pozan ziyarətçilərin parlamentə girişinə bir ilə qədər qadağa qoyulacaq
İndiyədək olan məhdudiyyətlər
Son illərdə parlamentin spikeri Şalva Papuaşvili “gücləndirilmiş təhlükəsizlik tədbirlərini” əsas gətirərək dəfələrlə parlamentə girişi məhdudlaşdırıb. Onun fəaliyyəti dövründə Baş nazir İrakli Qaribaşvilinin çıxışları və ya mübahisəli qanun layihələrinin müzakirəsi zamanı parlamentə giriş məhdudlaşdırılıb.
Onun spikerliyi dövründə bu məhdudiyyətlər media nümayəndələrinin sessiyaları işıqlandırmasına qadağa qoymağa qədər gedib çıxıb.
Bu məhddiyyətlər necə əsaslandırılır?
Papuaşvili Parlament Bürosunun iclasında qaydaları açıqlayaraq yeni sistemin təhlükə səviyyəsinə müvafiq rənglərlə kodlandığını deyib.
Daha aydın anlaşılsın deyə təhlükəsizlik səviyyələrinin dəqiq tərifləri: qırmızı, sarı və yaşıl səviyyələr. Bu yeni qaydalar ən yaxşı Avropa təcrübələrinə uyğun olaraq hazırlanıb.
Şalva Papuaşvili
Papuaşvili izah edib ki, qırmızı təhlükə səviyyəsi “fors-major hadisələr zamanı” parlamentdə olanların hamısının təxliyəsini, sarı isə “ziyarətçilər üçün müxtəlif məhdudiyyətlərin tətbiqi” deməkdir.
Sarı təhlükə səviyyəsi parlamentin bütün ziyarətçilərinin, o cümlədən jurnalistlərin parlamentə daxil olmasının qarşısını almağa imkan verəcək.
Müxalif deputat Ana Natsvlişvili isə sarı ilə kodlanan “təhlükəsizlik” səviyyəsini “mümkün qədər vətəndaşlardan uzaq durun, çünki biz onlardan qorxuruq” adlandırıb.
Siz Gürcüstan vətəndaşlarının səsini eşitməyə belə qorxursunuz. Bu sadəcə utancvericidir.
Ana Natsvlişvili
Yeni qaydalar parlamentin payız sessiyasından qısa müddət sonra qüvvəyə minəcək.
Bu yazı OC Media ilə əməkdaşlığın tərkib hissəsidir. Mətnin orijinalını ingilis dilində buradan oxuya bilərsiniz.
