15 yanvardan etibarən növbədənkənar prezident seçkiləri ilə bağlı namizədlərin təbliğat – təşviqat kampaniyası başlayıb.
Mikroskop Media 15-19 yanvar tarixlərində AZTV-nin saat 20:00-da yayımlanan xəbərlər buraxılışını monitorinq edib. Məqsəd bu televiziyanın növbədənkənar prezident seçkisinə necə və neçə dəqiqə vaxt ayırdığını müəyyən etmək olub.
AZTV İlham Əliyev və seçkilər barədə nə hazırlayıb?
15-19 yanvar aralığında AZTV-də demək olar ki, hər gün İlham Əliyev barədə aşağıdakı sujetləri yayımlayıb.
- İlham Əliyevin DSX-nın binasının açılışında iştirakı
- Lənkəran və Neftçala şəhərlərinə səfəri
- Yeni təyin olunan səfirlərin etimadnaməsinin qəbulu
- Dini qurumlara maliyyə yardımı göstərilməsi
Bu müddət ərzində dövlət televiziyası həm də MSK-nın müxtəlif tədbir və görüşləri barədə sujetlər yayımlayıb.
- Ödənişsiz efir vaxtları ilə bağlı püşk atma
- Qarabağdakı seçki məntəqələri
- MSK-da media mərkəzinin yaradılması
- Müşahidəçilərin sayı
- Penitensiar xidmətdə müşavirə
Bu sujetlərə ümumilikdə nə qədər vaxt ayrılıb?
- İlham Əliyev barədə olanlar – 44 dəqiqə 57 saniyə
- Seçki barədə olanlar – 12 dəqiqə 6 saniyə
MSK barədə hazırlanan sujetlərdə bir dəfə belə olsun növbədənkənar prezident seçkisində iştirak edən namizədlərin adı səslənməyib. Nə İlham Əliyevin, nə də digər namizədlərin.
