Mərkəzi Seçki Komissiyasının sədr müavini Rövzət Qasımov açıqlama yayıb ki, seçkidən sonra ümumilikdə ölkə üzrə 9 seçki dairəsindən 11 seçki məntəqəsində nəticələr ləğv olunub və komissiyalar buraxılıb. Report yazır ki, bu qərar daxil olunmuş bütün protokallar və internet resurslarında yayılan informasiyalar araşdırılandan sonra qəbul edilib.
Nəticəsi ləğv olunan məntəqələr:
- 41 saylı Gəncə-Samux-Goranboy Seçki Dairəsi 38 saylı
- 61 saylı Qusar Seçki Dairəsinin 7 və 27 saylı
- 65 saylı Salyan-Biləsuvar-Neftçala Seçki Dairəsinin 9 saylı
- 68 saylı Sabirabad-Şirvan Seçki Dairəsinin 2 saylı
- 77 saylı Lənkəran Seçki Dairəsinin 7 və 31 saylı
- 92 saylı Göyçay-Ağdaş Seçki Dairəsinin 6 saylı
- 99 saylı Bərdə Seçki Dairəsinin 2 saylı
- 114 saylı Şəki Şəhər Seçki Dairəsinin 1 saylı
- 115 saylı Şəki Kənd Seçki Dairəsinin 6 saylı
Nəticəsi ləğv olunan məntəqələrdən azı 5-də pozuntu halını müstəqil medialar – Mikroskop Media, Abzas Media və Toplum TV aşkarlayıb. “Mikroskop Media” 65 saylı Salyan-Biləsuvar-Neftçala Seçki Dairəsinin 9 saylı məntəqədə komissiya üzvlərinin növbə ilə seçki qutusuna topa bülleten atdığı pozuntu halını ortaya çıxarıb.
“Abzas Media” 3 məntəqədə bir şəxsin bir neçə dəfə səs verməsi pozuntusunu aşkarlayıb.
61 saylı Qusar Seçki Dairəsi 27 saylı
61 saylı Qusar Seçki Dairəsi, 7 saylı məntəqə
99 saylı Bərdə Seçki Dairəsinin 2 saylı
Nəticəsi ləğv olunan məntəqələrindən birində pozuntunu digər müstəqil media – Toplum TV aşkarlayıb.
Fevralın 7-də Azərbaycanda növbədənkənar prezident seçkiləri keçirilib. Mərkəzi Seçki Komissiyasının fevralın 11-də açıqladığı yekun nəticələrə görə, İlham Aliyev seçkidə 92,12% səslə qalib gəlib.
Müxalifət partiyalarının boykot etdiyi seçki ilə bağlı fevralın 7-də Müsavat və AXCP ayrı-ayrılıqda bəyanat yayıb və bildirib ki, seçki qeyri-demokratik mühaitdə keçib. Müsavat PArtiyası nəticələrin ləğv olunmasını tələb edib.
