Çelsi Menninq azadlığa çıxıb

Çelsi Menninq. Foto: EPA / Hayoung Jeon

ABŞ ordusunun məxfi sənədlərini yayan keçmiş hərbçi Çelsi Menninq bu gün azadlığa çıxıb. O, böyük münsiflər heyətinin önündə ifadə verməkdən imtina etdiyi üçün 62 gündür Alexandriya şəhərindəki təcridxanada saxlanılırdı.

Guardian yazır ki, o, böyük münsiflər heyətinin vaxtı bitib deyə azadlığa çıxıb. Ç.Menninqin mayın 16-da yenidən münsiflər heyəti önündə ifadə verməsi barədə məhkəmə əmri var. Çelsi isə münsiflər heyətini federal hökumətin siyasi müxalifləri və fəalları incitmək üçün istifadə etdiyi, dəbdən düşmüş vasitə hesab edir və buna görə də onların qarşısına çıxmaq istəmir. Bu isə məhkəməyə hörmətsizlik ittihamı ilə yenidən həbs olunma təhlükəsi yaradır.

Onun vəkillləri də bu fikirdədirlər:

Çelsi suallara cavab verməkdən imtina edəcək. Biz isə ifadə vermək istəməməsinin haqlı səbəbləri olduğunu isbat etmək üçün bütün hüquqi vasitələrdən istifadə edəcəyik

Nə baş verib: Ç.Menninq 2010-cu ildə ABŞ-ın hərbi və diplomatik sirrlərini “WikiLeaks”ə ötürərək tarixin ən böyük sızıntılarından birinə səbəb olub.

Onun barəsində daha ətraflı oxumaq üçün bir müddət əvvəl əntiqə yazı yazmışıq.

Jurnalistikanın 3 muşketyoru: Haker, əsgər və CIA-nın keçmiş əməkdaşı