İran Silahlı Qüvvələrinin İslam İnqilabı Keşikçiləri korpusu İraqdakı ABŞ hərbi bazasını bombalayıb. Pentaqonun da təsdiqlədiyi məlumata görə, hərbi bazaya onlarla raket endirilib.
https://twitter.com/Partisangirl/status/1214686788108685312
İranın dövlət agentliyi IRNA yazır ki, “Şəhid Süleymani” adlandırılan əməliyyat general Qasım Süleymaninin öldürülməsinə cavabdır.
Hücum nəticəsində ölən və yaralananların olub-olmaması ilə bağlı dəqiq məlumat yoxdur.
APA Rusiya mediasına istinadən yazır ki, ABŞ-ın Suriyada, İraqla sərhəddə yerləşən hərbi qüvvələri döyüş hazırlığı vəziyyətinə gətirilib.
The Guardianın məlumatına görə, ABŞ prezidenti Donald Trampın xalqa müraciət edəcəyi özlənilir. Ağ Ev bu informasiyanı hələ ki, təsdiqləməyib.
İranın Tansim agentliyi isə məlumat yayıb ki, əgər ABŞ bu hücumlara cavab versə, Hizbullah İsrailə atəş açacaq.
